Are You Calling Me Carly?

Lumipat ka sa Assumption, kung saan ako nag-aaral noon. Sa totoo lang, wala na akong matandaang ala-ala mo, dahil hindi naman tayo close nun. Ang naalala ko lang ay minsan mong naiwan ang lunchbox mo sa classroom. Yun lang. hahaha. yun lang talaga ang naalala ko. Hindi man lamang tayo nabigyan ng pagkakataon na magkakilanlan ng maayos sa Assumption, dahil matapos ang isang taon ay lumipat na ako sa Canossa.

Matapos ang limang taon, lumipat ka rin sa Canossa. Hindi ko alam kung idol mo lang talaga ako o sadya lang na tinadhana tayong magkita muli. Nais kong maniwala destined talaga tayong maging magkaibigan, pero di mo ko masisisi kung nahahalata ko na ako ay iniidolo mo. If I know, may shrine ako sa bahay nyo, at tinatago mo lang yun kapag bumibisita ako sa inyo. LOL

Sa totoo lang, nagpapasalamat pa rin ako kahit papaano na nagkita tayo muli. yeeek, cheesy.

Di ko malilimutan yung mga pinag-gagawa natin nung highschool. Yung pagpapasahan natin ng notes habang nagkklase. Nagkaron pa nga tayo ng notebook nun eh, kasama natin ang babaeng di pantay ang mata, si Elissa.

Naalala mo ba nung fourth year? Nung naimpluwensyahan ko kayong manood ng UAAP? tayong tatlo lang ang nagchcheer para sa Ateneo, halos lahat sila para sa USTe. Leche. Magkasabay tayo naexcite nung naipanalo ni Doug Kramer yung Game 2 nung finals. (nararamdaman kong nakalimutan mo na ito.hahahahaha. oh well) Kasama rin kitang nagluksa nung natalo ang Eagles nung game 3. di natin matanggap na nanalo ang Tigers sa championship. Ayos lang, gwapo pa rin si Chris Tiu sa paningin natin. At nanalo naman ang Beda sa NCAA, kung saan naglalaro si Sam Ekwe, na soulmate mo.

Tanda mo ba yung Math Project natin? yung gumawa tayo ng model ng EK gamit ang parabolas. erk. Di natin naachieve. Di pa tayo masyadong artistic nun. hahaha

Nakakatawang alalahanin yung mga nangyari satin nung high school, pero mas nakakatawa yung mga pinag-gagawa natin nung pumasok na tayo sa Kolehiyo. Magkakahiwalay man tayo, napakasaya ko na hindi tayo nagkahiwa-hiwalay, bagkus(lol, bagkus) lalo pa tayo naging tight. sa sobrang tight, shinashampoohan natin ang isa’t isa, dahil dumikit na yata sa buhok natin ang lahat ng usok ng mga nagyoyosi sa bar. Sa sobrang close, kahit gano ka pa kapayat, sinusuot ko parin ang damit at pajama mo pag natutulog ako sa inyo. 

Hindi ko malilimutan ang first Manila Baha experience ko, dahil ikaw ang kasama ko. Nagdate tayo sa Robinsons malapit sa school mo, na kahit di ko alam kung paano puntahan ay pinuntahan ko pa rin. Dinamayan mo ako, dahil may katangahan akong ginawa noon, alam mo na, yung clay. hahaha. Salamat nga pala noon, kailangan ko talaga ng kaibigan noon, dahil inis na inis ako sa sarili ko noon. inabot tayo ng malakas na ulan noon, at kinailangan pa nating magpedicab. Nakakatawa at hingal na hingal si kuya noon. Pareho pa nga pala tayong nakasapatos noon. Tae, kaya bumili pa tayo ng tsinelas. Tumawid pa tayo kung saan-saan. nagbayad pa nga tayo ng pedicab, para tumawid lang eh. Sayang, wala si Moron. 

Onga pala, salamat at binisita nyo ako sa Makati nung internship ko. kahit mukha tayng tanga, dahil di natin alam ang sakayan. at yung susunod na kanto. hahahaha. The best. Napakasakandaloso ng pagtawa natin nang manood tayo ng Here comes the bride. nakakatawa naman kasi talaga. mas nakakatawa pa, dahil nakakahawa ang tawa nyo. 

Ay! Nung Birthday ko! SUper salamat na nakasama ko kayo nina Cocoy at Moron nung birthday ko. the best birthday ever! di baleng wala yung iba, basta andun kayong tatlo, solve nako. napakamemorable ng araw na yun.Kahit nagsunog tayo ng pera, dahil kumain tayo sa pig-out, nakilala naman natin si spidey, si lily at si migzie. lol. Kaingan natin bumalik dun. Unang beses rin na nagmaneho si Marron ng malayu-layo. nakakatawa na inikot natin ang Paseo, Nuvali at Tagaytay noon. Napagalitan ako pag-uwi, pero okay lang, masaya naman. hihi.

gusto ko man magsulat ng maraming marami. 11:59pm na dito. 1 minuto na lang di mo na birthday. kaya tatapusin ko na rito.

Ang puno’t dulo lang naman ng pagsulat ko nito ay upang batiin ka ng maligayang Kaarawan. Hinihiling ko na magkaron ka pa ng maraming maraming birthdays na iccelebrate natin. Ang hiling ko, kahit seventy years old na tayo nina marron, cocoy at iba pang TAGS ay magkakaibigan pa rin tayo at pupnta pa rin tayo sa kung saan-saan. Sa mga panahon na yun, aalalahanin natin ang mga memories na ginawa natin ng magkakasama. Happy Birthday, Tinkerbell. Labyu!